In Memory of Gandhi Murder At Udupi

ಜನವರಿ 30,2015 ರಂದು’ ಉಡುಪಿಯಲ್ಲಿ ‘ಗಾಂಧಿ ಹತ್ಯೆಯ ನ ೆನಪಿಸೋಣ ; ಹಂತಕ ಸಂತತಿಯ ಮರೆಯದಿರೋಣ’ ಬಹಿರಂಗ ಧರಣಿ ಕಾರ್ಯಕ್ರಮ

ಉಡುಪಿ : ಜನವರಿ,30, 1948 ರಂದು ಮಹಾತ್ಮಾ ಗಾಂಧಿಯನ್ನು ಮತಾಂಧತೆಯ ಶಕ್ತಿಗಳು ಗುಂಡೇಟಿನಿಂದ ಕೊಂದ ದಿನ! ಭಾರತದ ಸ್ವಾತಂತ್ರ್ಯ ಚಳವಳಿಯನ್ನು ತನ್ನ ಅಹಿಂಸಾತ್ಮಕ ಧರಣಿ ಸತ್ಯಾಗ್ರಹ ಎಂಬ ಅಸ್ತ್ರದ ಮೂಲಕ ಹೊಸ ಭಾಷ್ಯ ಬರೆದ ಗಾಂಧಿಯ ಸರ್ವಧರ್ಮ ಸಮಭಾವನೆಯನ್ನು ಒಪ್ಪದ ಶಕ್ತಿಗಳು ಅವರನ್ನು ಮುಗಿಸುವುದರ ಮೂಲಕ ತಮ್ಮ ಶಕ್ತಿಯನ್ನು ತೋರ್ಪಡಿಸಿಕೊಂಡವು. ನಮ್ಮ ದೇಶದಲ್ಲಿ ಇತ್ತೀಚೆಗೆ ನಡೆಯುತ್ತಿರುವ ಬಹುತೇಕ ಘಟನಾವಳಿಗಳ ಹಿಂದೆ ಅಂತಹ ಶಕ್ತಿಗಳ ಕೈವಾಡ ಬಲವಾಗಿರುವುದು ಕಂಡು ಬಂದಿದೆ. ಅಂತಹ ಶಕ್ತಿಗಳಿಗೆ ಸಂವಿಧಾನದ ಬಗ್ಗೆಯೂ ಗೌರವವೇ ಇಲ್ಲವಾಗಿವೆ! ಬೇಕಾದಾಗ ಸಂವಿಧಾನವನ್ನು ಬಳಸಿಕೊಳ್ಳುವ ಮನಸ್ಸುಗಳ ಆ ಶಕ್ತಿಗಳಿಗೆ ಅದು ತಮ್ಮ ಲಾಭಕ್ಕಾಗಿ ಮಾತ್ರ ಬೇಕಿದೆ.ಇವುಗಳನ್ನು ಸಾರ್ವಜನಿಕರಿಗೆ ಮತ್ತೆ ನೆನಪಿಸಿಕೊಳ್ಳುವುದರ ಜೊತೆಗೆ – ಕರ್ನಾಟಕ ದ ಕರಾವಳಿ ಮತ್ತು ನಮ್ಮ ಅವಿಭಜಿತ ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ನಡೆಯುತ್ತಿರುವ ಇಂತಹ ಶಕ್ತಿಗಳನ್ನು ನಿಯಂತ್ರಿಸಲು ಪೊಲೀಸ್ ಇಲಾಖೆ ವಿಫಲವಾಗುತ್ತಿರುವುದನ್ನು ಖಂಡಿಸುವುದರ ಮೂಲಕ ಸರಕಾರದ ಗಮನ ಸೆಳೆಯುವ ಉದ್ದೇಶದಿಂದ ಕರ್ನಾಟಕ ಕೋಮು ಸೌಹಾರ್ದ ವೇದಿಕೆಯ ಉಡುಪಿ ಜಿಲ್ಲಾ ಘಟಕವು ‘ಗಾಂಧಿ ಹತ್ಯೆಯ ನೆನಪಿಸೋಣ ; ಹಂತಕ ಸಂತತಿಯ ಮರೆಯದಿರೋಣ’ ಎಂಬ ಘೋಷಾ ವಾಕ್ಯದೊಂದಿಗೆ ಜನವರಿ,30,2015 ನೇ ಶುಕ್ರವಾರ ಉಡುಪಿ ನಗರದ ಕ್ಲಾಕ್ ಟವರ್ ನ ಎದುರಿನ ಗಾಂಧಿ ಪ್ರತಿಮೆಯ ಎದುರು ಬೆಳಿಗ್ಗೆ 9.50 ರಿಂದ ಸಂಜೆ 5.00 ರ ವರೆಗೆ ಒಂದು ದಿನದ ಬಹಿರಂಗ ಧರಣಿ ಕಾರ್ಯಕ್ರಮವನ್ನು ಹಮ್ಮಿಕೊಂಡಿದೆ.
ಗಾಂಧೀಜಿಯ ಹತ್ಯೆಯನ್ನು ಖಂಡಿಸುವ, ಹಂತಕ ಸಂತತಿಯನ್ನು ವಿರೋಧಿಸುವ ಎಲ್ಲಾ ಜೀವಪರ ಸಂಘಟನೆಗಳು ಕಾರ್ಯಕ್ರಮಕ್ಕೆ ಕೈ ಜೋಡಿಸುವುದರ ಮೂಲಕ ಅಹಿಂಸಾತ್ಮಕತೆಯನ್ನು – ಗಾಂಧೀಜಿಯ ಆಶಯವನ್ನು ಬೆಂಬಲಿಸಬೇಕಾಗಿ ಈ ಮೂಲಕ ಕೋರಲಾಗಿದೆ.
– ಅಧ್ಯಕ್ಷರು ಮತ್ತು ಸರ್ವ ಸದಸ್ಯರು, ಕರ್ನಾಟಕ ಕೋಮು ಸೌಹಾರ್ದ ವೇದಿಕೆ, ಉಡುಪಿ ಜಿಲ್ಲಾ ಘಟಕ ಮತ್ತು ಸಹಭಾಗಿ ಸಂಘಟನೆಗಳು.

ಜನವರಿ,30 – ಕೋಮು ಸೌಹಾರ್ದ ದಿನಾಚರಣೆ -” ಗಾಂಧಿ ಹತ್ ಯೆಯ ನೆನಪಿಸಿಕೊಳ್ಳೋಣ ; ಹಂತಕ ಸಂತತಿಯ ಮರೆಯದಿರೋಣ”

ದೇಶಕ್ಕೆ ಸ್ವಾತಂತ್ರ್ಯ ತರುವಲ್ಲಿ ಅಹಿಂಸಾತ್ಮಕ ಹೋರಾಟ ಕಟ್ಟಿಕೊಟ್ಟ ನೇತಾರ ಮಹಾತ್ಮಾ ಗಾಂಧೀಜಿಯವರನ್ನು 1948 ರ ಜನವರಿ 30 ರಂದು ಮತಾಂಧ ಶಕ್ತಿಗಳು ಸೇರಿಕೊಂಡು ಹತ್ಯೆ ನಡೆಸುವುದರ ಮೂಲಕ ದೇಶದಲ್ಲಿ ಒಂದೇ ಧರ್ಮದವರಿಗೆ ಮಾತ್ರ ಅವಕಾಶ ಎನ್ನ ತೊಡಗಿದ್ದವು. ನಂತರ ಡಾ.ಬಿ.ಆರ್.ಅಂಬೇಡ್ಕರ್ ನೇತೃತ್ವದಲ್ಲಿ ಜಾರಿಗೆ ಬಂದ ಸಂವಿಧಾನ ನಮ್ಮ ದೇಶ ಹಿಂದಿನಂತೆ ಬಹು ಧರ್ಮೀಯರ ನೆಲೆವೀಡು – ಬಹು ಸಂಸ್ಕೃತಿಯನ್ನು ಮುಂದೆಯೂ ಉಳಿಸಿಕೊಳ್ಳಬೇಕೆಂಬ ನಿಟ್ಟಿನಲ್ಲಿ ವಿಶ್ವಕ್ಕೆ ಮಾದರಿಯಾದ ಸಂವಿಧಾನವನ್ನು ಭಾರತದಲ್ಲಿ ಅಳವಡಿಸಿಕೊಳ್ಳಲಾಗಿತ್ತು.1920 ರಿಂದ ನಮ್ಮ ದೇಶದಲ್ಲಿ ಸಂಘಟಿತಗೊಂಡ ಮತಾಂಧರ ಒಂದು ಗುಂಪು ತನ್ನ ಹಿಡನ್ ಅಜೆಂಡಾದ ಮೂಲಕ ದೇಶವನ್ನು ಒಂದು ಧರ್ಮದ ಹಿಡಿತದಲ್ಲಿಟ್ಟುಕೊಳ್ಳಬೇಕೆಂದು ನಡೆಸಿದ ಸಂಚಿಗೆ ಬಹು ಸಂಖ್ಯೆಯ ಭಾರತೀಯರು ಬಲಿ ಬಿದ್ದ ಪರಿಣಾಮ ಇಂದು ದೇಶವನ್ನಾಳುವ ಚುಕ್ಕಾಣಿ ಸದ್ಯ ಆ ಶಕ್ತಿಗಳ ಕೈಗೆ ಬಂದಿದೆ. ಶಾಂತಿ – ಸಾಮರಸ್ಯ- ಸೌಹಾರ್ದತೆಯನ್ನು ಒಪ್ಪದ ಮನಸ್ಥಿತಿಯ ಆ ವರ್ಗ ದೇಶವನ್ನು ಮತ್ತೆ ವಿದೇಶೀಯರ ತೆಕ್ಕೆಗೆ ಒಪ್ಪಿಸಲು ಮುಂದಾಗುತ್ತಿದೆ. ಬಂಡವಾಳ ಶಾಹಿ ಶಕ್ತಿಗಳನ್ನು ಅವು ಬೆಂಬಲಿಸುತ್ತಿವೆ. ಹೀಗೆಯೇ ಮುಂದುವರಿದರೇ ದೇಶದಲ್ಲಿ ಕಾಣಿಸತೊಡಗಿರುವ ಹಿಂಸಾತ್ಮಕ ಧೋರಣೆ – ಅಲ್ಪ ಸಂಖ್ಯಾತರ ದಮನ ಮುಂದುವರೆಯುವುದು ಸ್ಪಷ್ಟವಾಗತೊಡಗಿದೆ. ಈ ಹಿನ್ನಲೆಯಲ್ಲಿ ಮಹಾತ್ಮಾ ಗಾಂಧೀಜಿಯ ಸರ್ವ ಧರ್ಮ ಸಮಭಾವನೆಯನ್ನು ಗಟ್ಟಿಗೊಳಿಸುವುದೇ ಇದಕ್ಕಿರುವ ಪರಿಹಾರ. ಇಲ್ಲವಾದಲ್ಲಿ ಅತ್ಯುತ್ಕೃಷ್ವವಾದ ನಮ್ಮ ಸಂವಿಧಾನವೇ ಮೂಲೆ ಗುಂಪಾಗಬಹುದು. ಇದಕ್ಕಾಗಿ ಕರ್ನಾಟಕ ಕೋಮು ಸೌಹಾರ್ದ ವೇದಿಕೆ ಈ ಬಾರಿಯ ಜನವರಿ,30 ನ್ನು ‘ಕೋಮು ಸೌಹಾರ್ದ ದಿನ‘ವಾಗಿ ಆಚರಿಸಲು ನಿರ್ಧರಿಸಿದೆ. ಅದಕ್ಕಾಗಿ ವೇದಿಕೆಯ ಎಲ್ಲಾ ಜಿಲ್ಲಾ ಘಟಕಗಳು ಆ ದಿನ ವಿವಿಧ ಕಾರ್ಯಕ್ರಮಗಳ ಮೂಲಕ ‘ಗಾಂಧಿ ಹತ್ಯೆಯನ್ನು ನೆನಪಿಸಿಕೊಳ್ಳೋಣ; ಗಾಂಧಿ ಹಂತಕರ ಮರೆಯದಿರೋಣ’ ಎನ್ನುವ ಧ್ಯೇಯ ವಾಕ್ಯದೊಂದಿಗೆ ವಿಭಿನ್ನ ರೀತಿಯಲ್ಲಿ ಸೌಹಾರ್ದ ಪರಂಪರೆಯನ್ನು ಎತ್ತಿ ಹಿಡಿಯಲು ಮುಂದಾಗಿವೆ. ಜನಪರ – ಪ್ರಗತಿಪರ – ಮಾನವ ಪರ ಸಂಘಟನೆಗಳು ಮತ್ತದರ ಕಾರ್ಯಕರ್ತೆರು, ಸಜ್ಜನ ಬಂಧುಗಳು ನಮ್ಮ ಈ ಆಶಯವನ್ನು ಬೆಂಬಲಿಸುವುದರ ಮೂಲಕ ಸಹಕರಿಸಬೇಕಾಗಿ ಕೋರಲಾಗಿದೆ.
– ಕಾರ್ಯದರ್ಶಿ ಮಂಡಳಿ, ಕೇಂದ್ರ ಸಮಿತಿ, ಕರ್ನಾಟಕ ಕೋಮು ಸೌಹಾರ್ದ ವೇದಿಕೆ,

ಕ.ಕೋ.ಸೌ.ವೇದಿಕೆಯ ಹಾಸನ ಜಿಲ್ಲಾ ಘಟಕ ರಚನೆ

ಕರ್ನಾಟಕ ಕೋಮು ಸೌಹಾರ್ದ ವೇದಿಕೆಯ ಹಾಸನ ಜಿಲ್ಲಾ ಘಟಕ ರಚನೆಯಾಗಿದೆ. ರಾಜ್ಯ ಪ್ರಧಾನ ಕಾರ್ಯದರ್ಶಿ ಕೆ.ಎಲ್.ಅಶೋಕ್ ರ ಉಪಸ್ಥಿತಿಯಲ್ಲಿ ನಡೆದ ಸಭೆಯಲ್ಲಿ ಜಿಲ್ಲಾ ಸಮಿತಿ ರಚನೆಯಾಗಿದ್ದು, ಜಿಲ್ಲಾ ಪ್ರಧಾನ ಕಾರ್ಯದರ್ಶಿಯಾಗಿ ಖಲಂದರ್ ಕೊಯ್ಲಾ ಆಯ್ಕೆಯಾಗಿದ್ದಾರೆ.ವೇದಿಕೆಯನ್ನು ಸೇರಬಯಸುವವರು ಖಲಂದರ್ ಕೊಯ್ಲಾ ಅವರ ಮೊಬೈಲ್ ಸಂಖ್ಯೆ 9449117063 ಯನ್ನು ಸಂಪರ್ಕಿಸಬಹುದು.

Hassanadalli kksv jilla samithi rachane agidhe.kksv ge serabayasuvaru hassanda kksv ya jilla pradhana karyadharshi khalanda koila ravarannu samparka madabahavdhu…..ph no 9449117063