How Many Alphabets are there in Tulu Script ? Debate on July 16 at Don Bosco, Mangalore.

How Many Alphabets are there in Tulu Script ? Debate on July 16 at Don Bosco, Mangalore.

‘Tulutu E’th Barepilulla’ or how many letters are there in Tulu Script ? A debate will be held in Don Bosco Mini Hall on July 16, evening at 4pm. Tulu Religion Research Centre, Perooru will conduct the debate and P Jaru has said that all are welcome to express their views in this Debate. ****

ಮಾನ್ಯರೇ,

ತುಳು ಲಿಪಿಯಲ್ಲಿ ಎಷ್ಟು ಅಕ್ಷರಗಳಿವೆ? ವ್ಯಂಜನಗಳೇನೋ ಕನ್ನಡದಷ್ಟೇ ಇರಬಹುದು ಆದರೆ ಸ್ವರಗಳು ಕನ್ನಡಕ್ಕಿಂತ ಹೆಚ್ಚಿರಬೇಕು ಅಲ್ಲವೇ? ಕಾರಣ ತುಳುವಿನಲ್ಲಿ ಇರುವ ಕೆಲವು ವಿಶಿಷ್ಟ ಉಚ್ಛಾರ ಕನ್ನಡದಲ್ಲಿ ಇಲ್ಲ. ‘ಅ’ ಮತ್ತು ‘ಉ’ ಇವೆರಡೂ ಸ್ವರಗಳ ನಡುವಿನ ಒಂದು ಉಚ್ಛಾರ ಹಾಗೂ ‘ಅ’ ಮತ್ತು ‘ಓ’ ನಡುವಿನ ಇನ್ನೊಂದು ವಿಶಿಷ್ಟ ಉಚ್ಛಾರ ಕನ್ನಡದಲ್ಲಿ ಇಲ್ಲ. ಉದಾಹರಣೆಗೆ ಹಣತೆಗೆ ತುಳು ಭಾಷೆಯಲ್ಲಿ ಕನ್ನಡ ಲಿಪಿಯಲ್ಲಿ ತುಡಾರ್ ಅಥವಾ ತುಡಾರು ಎಂದು ಬರೆಯಲಾಗುತ್ತದೆ. ಆದರೆ ತುಳುವಿನಲ್ಲಿ ಮಾತನಾಡುವಾಗ ನಾವು ‘ಆರ್ ಮತ್ತು ರು’ ಇವೆರಡರ ನಡುವಿನ ಒಂದು ಉಚ್ಛಾರ ಬಳಸುತ್ತೇವೆ. ಮಹಾಭಾರತ ಎಂಬುದನ್ನು ತುಳು ಭಾಷೆಯಲ್ಲಿ (ಕನ್ನಡ ಲಿಪಿಯಲ್ಲಿ) ಬರೆಯುವಾಗ ಮಹಾಭಾರತೊ ಎಂದು ಬರೆಯುತ್ತೇವೆ. ನಿಜವಾಗಿ ಇಲ್ಲಿ ‘ತ ಮತ್ತು ತೊ’ನಡುವಿನ ಒಂದು ಪ್ರತ್ಯೇಕ ಉಚ್ಛಾರ ತುಳುವಿನಲ್ಲಿ ಇದೆ ಆದರೆ ಇದು ಕನ್ನಡದಲ್ಲಿ ಇಲ್ಲ, ಅದಕ್ಕಾಗಿ ಮಹಾಭಾರತೊ ಎಂದು ಕನ್ನಡ ಲಿಪಿಯಲ್ಲಿ ಬರೆಯುತ್ತೇವೆ. ಇನ್ನು ಹಳೆಗನ್ನಡದಲ್ಲಿ ಇರುವ ‘ರಳ’ಉಚ್ಛಾರ ತುಳುವಿನಲ್ಲೂ ಇದೆ. ಹಳೆಗನ್ನಡದಲ್ಲಿ ಇದ್ದ ಈ ಅಕ್ಷರ ಮಾತ್ರ ಈಗ ಹೊಸಗನ್ನಡದಲ್ಲಿ ಬಳಕೆಯಿಂದ ಸಂಪೂರ್ಣ ಮಾಯವಾಗಿದೆ. ತುಳು ಲಿಪಿಯಲ್ಲಿ ಇದು ಇದೆಯೇ?

ಮೂಲತಃ ತುಳುವಿಗೆ ಸ್ವತಂತ್ರ ಲಿಪಿಯೇ ಇಲ್ಲ ಅನ್ನುವವರೂ ಇದ್ದಾರೆ. ನಾವು ಈಗ ತುಳು ಎಂದು ಕರೆಯುವ ಲಿಪಿ ಮೂಲತಃ ತಿಗಳಾರಿ ಎಂಬ ಲಿಪಿಯಾಗಿದ್ದು ಇದು ಮಲೆಯಾಳಂ ಭಾಷೆಯ ಸಹೋದರ ಲಿಪಿಯಾಗಿದೆ ಎನ್ನುವವರಿದ್ದಾರೆ. ಹಿಂದಿನ ಕಾಲದಲ್ಲಿ ಈ ಲಿಪಿಯನ್ನು ಕೇವಲ ಹವ್ಯಕ ಬ್ರಾಹ್ಮಣರು, ಶಿವಳ್ಳಿ -ಕೋಟಾ ಬ್ರಾಹ್ಮಣರು ಮತ್ತು ಜೈನರು ಮಾತ್ರ ಬಳಸುತ್ತಿದ್ದುದರಿಂದ ಇದು ದ.ಕ –ಉಡುಪಿ ಜಿಲ್ಲೆಯಲ್ಲಿ ಮಾತ್ರವಲ್ಲ ಉತ್ತರ ಕನ್ನಡ ಮತ್ತು ಶಿವಮೊಗ್ಗ ಜಿಲ್ಲೆಯಲ್ಲಿಯೂ ಬಳಕೆಯಲ್ಲಿತ್ತು, ಹಾಗಾಗಿ ಇದು ತುಳುನಾಡಿಗೆ ಸೀಮಿತವಾಗಿದ್ದ ತುಳು ಲಿಪಿ ಎನ್ನುವುದು ಸರಿಯಲ್ಲ ಎಂಬ ಅಭಿಪ್ರಾಯ ಹಲವರದ್ದು. ದಕ್ಷಿಣ ಭಾರತದ ಎಲ್ಲಾ ಲಿಪಿಗಳು ಗ್ರಂಥ ಲಿಪಿ ಅಥವಾ ಬ್ರಾಹ್ಮಿ ಲಿಪಿಯಿಂದ ವಿಕಸನ ಹೊಂದಿದವುಗಳು. ನಮ್ಮ ತುಳು/ತಿಗಳಾರಿ/ ಮಲೆಯಾಳಿ ಲಿಪಿಗಳು ಗ್ರಂಥ ಲಿಪಿಯಿಂದ ಮೂಡಿ ಬಂದವುಗಳು.

ಮೂಲತ ಸಾಮಾನ್ಯ (ಶೂದ್ರ) ತುಳು ಭಾಷೆಯಲ್ಲಿ ‘ಳ’ ಮತ್ತು ‘ಣ’ ಅಕ್ಷರಗಳು ಇಲ್ಲವೇ ಇಲ್ಲ, ಕೇವಲ “ಲ-ನ“ ಮಾತ್ರ ಇರುವುದು, ಬ್ರಾಹ್ಮಣರು ಮತ್ತು ಜೈನರು ಹೊರ ಪ್ರದೇಶದಿಂದ ತುಳುನಾಡಿಗೆ ವಲಸೆ ಬಂದಾಗ ಅವರ ಉತ್ತರ ಭಾರತದ ಭಾಷೆ ಮತ್ತು ಕನ್ನಡದ ಪ್ರಭಾವದಿಂದ ತುಳುವಿನಲ್ಲಿ ಳ-ಣ ಸೇರಿತು ಎಂದು ಹೆಚ್ಚಿನವರ ಅಭಿಪ್ರಾಯ. ಜತೆಗೆ ತುಳುವಿನಲ್ಲಿ ಮಹಾಪ್ರಾಣವೂ ಇಲ್ಲ ಎಂಬುದು ಕೆಲವರ ಅಭಿಪ್ರಾಯ. ತುಳು ಭಾಷೆಯ ಸಂಶೋಧಕ ಇರ್ವತ್ತೂರು ಗೋವಿಂದ ಭಂಡಾರಿಯವರು ಈ ವಿಷಯದ ಬಗ್ಗೆ ಅನೇಕ ಲೇಖನ ಬರೆದಿದ್ದಾರೆ.

ಈ ಮೇಲಿನ ವಿಷಯದ ಬಗ್ಗೆ ತುಳು ಸಂಶೋಧಕ ಪೆರೂರು ಜಾರು ಇವರು ಇದೇ ಶನಿವಾರ ಜುಲೈ 16 ರಂದು ಒಂದು ಸಂವಾದ ಕಾರ್ಯಕ್ರಮವನ್ನು ಡಾನ್ ಬಾಸ್ಕೋ ಮಿನಿ ಹಾಲ್ ನಲ್ಲಿ ಸಾಯಂಕಾಲ ನಾಲ್ಕು ಗಂಟೆಗೆ ಹಮ್ಮಿಕೊಂಡಿದ್ದಾರೆ. ಈ ವಿಷಯದ ಬಗ್ಗೆ ಮುಕ್ತ ಸಂವಾದಕ್ಕೆ ಎಲ್ಲರಿಗೂ ಆವಕಾಶವಿದೆ ಎಂದು ಪೆರೂರು ಜಾರು ತಿಳಿಸಿದ್ದಾರೆ. ಕೇವಲ ಬಾಯಲ್ಲಿ ಮಾತ್ರ ತುಳು ಅಭಿಮಾನ ತೋರಿಸದೇ ನಿಜವಾಗಿ ತುಳು ಅಭಿಮಾನ ಇರುವ ಎಲ್ಲರಿಗೂ ಸ್ವಾಗತವಿದೆ.

ತಮ್ಮ ವಿಶ್ವಾಸಿ,

ಪ್ರವೀಣ್. ಎಸ್. ಶೆಟ್ಟಿ , ಮಂಗಳೂರು. Date: 14-7-2016.

Advertisements

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s